التحكم فى عصبية الأم على الأطفال

بتزعقى وتتعصبي علي الأولاد ومش عارفه تتحكمي في اعصابك فى هذا المقال سنساعدك على التحكم فى اعصابك حتى لا يكرهك الأولاد او تفقدي حبهم وتستبدليه بخوفهم منك
 الأم العصبية مشكله بتعانى منها معظم الأمهات خاصه لو كانت بطبيعتها عصبيه من قبل الجواز ولكن قد يكون للعصبية أسباب كثيره منها الضغوط النفسية وقله النوم والتغيرات الشهرية وكذلك خوض الام للعمليات القيصرية وخضوعها للتخدير الكلى يزيد من عصبيتها السمنة والمشاكل الزوجية وقله المال والإهمال والاحساس بالوحدة تزيد من عصبيه الام  وغيرها من الأسباب التي تجعل الام تتعصب من اقل موقف وقد يكون تافها مما يزيد أخطاء الأبناء كنوع من رد الفعل المعاكس
كيف تستطيعين التحكم في اعصابك وانتى في قمة غضبك
- لما تلاقى نفسك في قمة عصبيتك وابنك او بنتك عملوا مصيبه او حتى غلطوا غلطه صغيره بسرعه سيبي المكان وروحي مكان تانى لأنك ممكن تأذى ابنك بدون ما تشعري حتى لو انتى هتزعقي بس لأنه كده هيخاف منك وممكن مع الوقت هيكرهك وهيخاف يصارحك بأي حاجه   
- لما تلاقى ولادك يتخانقوا مع بعض عشان لعبة خدى اللعبة واخفيها عنهم لحد ما يتعلموا ويعرفوا انهم اخوات ولازم يتشاركوا في اللعب بدون ضرب
- متخليش الأولاد دايما يشوفوكى متعصبة زي الوحش  لأنك ممكن متشوفيش نفسك أزاي الولاد شايفينك جربى تنظري للمرأة وشوفي نفسك عامله أزاي حطي نفسك مكان الأولاد هما بيكونوا شايفينك وحش عشان كده بيحبوا بابا اكتر لأنه دايما  بيعاملهم بلطف وهدوء وعقلانية خليكى انثى في رقتك ووداعتك وبلاش تعيشي دور الراجل  
- أوقات الصفا مع اولادك اشعريهم بحبك واهتمامك وحنانك لان ده هيقلل شعورهم بأنك بتكرهيهم عشان كده بتعصبيي عليهم
- اتعودى ان الضرب سياسه خاطئة وعمرها ما تجيب نتيجة بل بالعكس بتولد العند ولكن ان عملتيها تكون استثنائية وحاجه بسيطة مش ضرب مبرح مؤذى سواء نفسيا أو جسديا
- ممكن الطفل يعمل مصيبه ونتعصب وننهار ونضربه وهو أساسا ميعرفش انها غلط ومحدش عرفه او حذره من ده وبكده انتى بتعملى حاله فزع للطفل وبتخلية يجرب أي شيء يهرب بيه من اذاكى - مش عايزاه يبوظ حاجه شيليها من ادامه او عرفيه ان ده غلط وفهميه ليه
- وأخيرا مشاكلك واعصابك مش ذنب اولادك انهم يتحملوها هما أطفال وبيتعلموا منك  الأطفال نعمه وامانه لازم نراعى ربنا فيهم